Gəl Gedək

Gəl gedək, ulduzlar rəqs edər bizimçün orda

Gəl gedək, ayaqyalın mavi dəniz sahilində

Gəl gedək, orda insanlar yoxdu, deməli yoxdu dərd

Gəl gedək, əlimdən bərk yapış, gəl gedək

Gəl gedək, orda çiçəklər və göyərçinlər

Gəl gedək, sərin sulu bulaq, yaşıl çəmənliklər,

Gəl gedək, at bu qaranlıq şəhəri birdəfəlik

Gəl gedək, canım, gəl gedək, gözüm, gəl gedək

Gəl gedək, əbədi yaz küləklərilə bizə qonaq gələr,

Günəş saçar saçaqlarıyla saçlarını darar, hörər

Bəyaz atlar isti qumlarda gəzdirər bizi

Sonsuz meşə, öz içində azdırar bizi

Gözləyər bizi sərin kölgəsilə uca çinar

Gəl gedək, meyvə bağlarında ağaclarda bar

Gəl gedək, orda qayalarda ceyranlar qaçır,

Hava təmiz, hər tərəf işıq, səma açıq

Gəl gedək, orda yoxdu yorulmaq və ağrımaq,

İstəsən də bacarmazsan orda ağlamaq

Gəl gedək, buludlar töksün hərdən şirin yağış,

Sanki rəssam əli ilə çəkilib orda hər qarış,

Saatlarla dinləyək dalğaların səsini,

Sahildə bizdən başqa ayaq izi yox heç kəsin

Yuxu kimi hər bağça doldu əlvan ətirlərlə,

Gəl gedək, gəzdirim səni sehirli nağıllarda

Apar məni

Sıxır bu qara şəhər məni

Sahilə çırpınır dalğalar

Bezmişəm canım, apar buralardan məni uzaqlara

Qar məni yandırır, titrədir ocaqlar,

Qapısı bağlı boş otaqda,

Qalmışam, canım, apar buralardan məni uzaqlara

Qaranlığıma xoş gəldin,

Şəhərə qışgəldi,

Vəhşilər yarımadası büründü əbədi zülmətə

Hər küçənin öz ağrısı var,

Gözünə yaş gəldi,

Daş binalar heç oxşamır rəngarəng cənnətə

Burda sevgi imkansız,

Azadlıq zindansız mümkün olmur burda,

Çünki insanlar çox vicdansız

Hər baxış da sərt baxışdı,

Hamının içini qurd yeyir

Çürümüş ürəklər şəhəri düzələ bilməz üsyansız

Gəl gedək, yaxşılar ölkəsinə, orda yoxdu dərd,

Gəl gedək, varlı, kasıb eyni, heç kəs olmur pərt

Gəl gedək, buludların içində tapaq o ölkəni,

Gəl gedək, canım, gəl gedək, gözüm, gəl gedək

Gəl gedək, orda insanlar yalan danışmır,

Hər kəs öz işində,

Heç kəs heç kəsin işinə qarışmır

Yoxdu padşahlar, yoxdu nökərlər, yoxdu cinayət,

Gəl gedək, orda yox rüşvət və xəyanət

Danışır eyni dildə hamı, yoxdu millətlər,

Hər kəs eyni, yoxdu fərqli dinlər,

Heç kəs orda tutmaz səndə eybi

Yoxdu paxıllıq və oğurluq, yoxdu içkilər,

Yox qumar, yox söyüş, zəhərli bitkilər,

Gəl gedək, qaranlıq şəhərin tüstülərində boğulmaqdansa,

Yataq cənnət istilərində

Körpə uşaqlar kimi, zərif, incə sətirlərdə,

Gəl gedək, gəzdirim səni sehirli nağıllarda

Apar məni

Sıxır bu qara şəhər məni

Sahilə çırpınır dalğalar

Bezmişəm canım, apar buralardan məni uzaqlara

Qar məni yandırır, titrədir ocaqlar,

Qapısı bağlı boş otaqda,

Qalmışam, canım, apar buralardan məni uzaqlara

Apar məni

Sıxır bu qara şəhər məni

Sahilə çırpınır dalğalar

Bezmişəm canım, apar buralardan məni uzaqlara

Qar məni yandırır, titrədir ocaqlar,

Qapısı bağlı boş otaqda,

Qalmışam, canım, apar buralardan məni uzaqlara