Meen Fe Dol

بسرح ساعات

وأفتح صور أيام زمان وبقول يا مين

يصالحني عالماضي اللي كان، وكتير بقول

قَلبي الحقيقي مين في دول

وازاي أعيش وأنا مش مدي لنفسي الأمان

أنا من زمان

في سر في قَلبي ومدارية، أنا مش أنا

ده حد غيري أنا ماشي بيه

زي اللي فاق

لقى نفسه مش جوة السباق

والعمر فات قدام عينيه وماعاش فيه

أخدتني مني الدنيا فجأة

وغربتني ما بين وشوش

وعرفت فيها الطيبين

والحزن حوّلهم وحوش

وبخش فـي قَلبي كل يوم

أمشي ما بين جرح وهموم

كان فيه هنا إنسان جميل

بسأل عليه ومابلقاهوش

أخدتني مني الدنيا فجأة

وغربتني ما بين وشوش

وعرفت فيها الطيبين

والحزن حوّلهم وحوش

وبخش فـي قَلبي كل يوم

بمشي ما بين جرح وهموم

كان فيه هنا إنسان جميل

بسأل عليه ومابلقاهوش

♪

محبوس فـي روحك وش تاني بيداريك

ياما قولت آه، ولا عمر حد حَس بيك

الناس تقول، إنك تعيش فـي الغربة خوف

طب تعمل إيه لو تبقى الغربة عايشة فيك؟

طول السنين

وأنا إيد في جنة وإيد في نار

وبقول بخير، وبخبي الجد في الهزار

مابقاش فيه حيل

وماليش صحاب غيرك يا ليل

والليل طويل، ولا مرة جه بعده النهار

أخدتني مني الدنيا فجأة

وغربتني ما بين وشوش

وعرفت فيها الطيبين

والحزن حوّلهم وحوش

وبخش في قَلبي كل يوم

بمشي ما بين جرح وهموم

كان فيه هنا إنسان جميل

بسأل عليه ومابلقاهوش

أخدتني مني الدنيا فجأة

وغربتني ما بين وشوش

وعرفت فيها الطيبين

والحزن حوّلهم وحوش

وبخش في قَلبي كل يوم

بمشي ما بين جرح وهموم

كان فيه هنا إنسان جميل

بسأل عليه ومابلقاهوش