Mən Güvənirəm Bəxtimə

Mən güvənirəm bəxtimə, mənə "ayrılaq" sözünü gəl demə

Sən şərik ol dərdimə, mən səni yenə salaram qəlbimə

Mən güvənirəm bəxtimə, mənə "ayrılaq" sözünü gəl demə

Sən şərik ol dərdimə, mən səni yenə salaram qəlbimə

Sən və yeni sevgilin, mən ümid edirəm ki, yaxşısız

Yəqin ki, xoşbəxtsiz, ya da ki, dərdləşib gecəni yatmısız

Xoşbəxt görsənirsiz, çünki yalan üstə qurulub axışınız

Sən deyilsən yaxşı qız, çalış həyatının naxışını yaxşı cız

Mən sənin ovucuna həqiqət qoyaram

Amma ki, heç vaxt yalan vermərəm

Qeydinə qalaram düzgün bir qızın

Sevgi yoxdur deyə kalan sevmərəm

Yalandan başqa palan geymərəm

Dalına düşüb, tin-dalan getmərəm

Əvvəlki halını it kimi sevirəm

İndiki halına heç salam vermərəm

Hə, "heç kimə bənzəməz"lə

"Hamı kimisən"in arasında incə xətsən

İndi olsam da istəmərsən, hətta incik olsan da gizləmərsən

Mənə yaxşı gələn bir cəhətsən ki, həyatıma qalın bir iz çəkərsən

Yoxa çıxa bilərsən bircə həblə

Amma səni sevmədiyimi bil, cəhənnəm

Mən bilirəm dağ dağlamışam

Soruşana "çovğunam" desəm nə olarki?

Sənə görə sözümü saxlamışam

Desəm "qorxuram", yesəm nə olarki?

Bilərək telefonu bağlamışam

Özümü "no" kimi aparan "yes"əm nə olarki?

Bütün gecəni mən ağlamışam

Soruşana "yorğunam" desəm nə olarki?

Sən məni atdığın həmən gündən

"Нормальный" bir yuxu yata bilməmişəm

Gic-gic yuxular görürəm gecələr

Elə yuxulardan qaça bilməmişəm

"Груз"umu yığmışam aylarla içimə

"Груз"umu sənə tərəf ata bilməmişəm

Mən söyəndə söyürəm söyüşümü

Sənə nə söyüş söyüm, tapa bilməmişəm

Məni öldürməyə yeltənənlər

Artıq gedibdir yelkən əldən

Sevgimi götürüb yerdən əllə

Onu etmişəm mən özüm yenidən əldə

Bundan sonra məni kim incitsə

Onun ahı sənindir yeri gələndə

Çünki əgər sən getməsəydin

Məni incidə bilməzdi yeni gələnlər

Dəyişəcək anidən imzam, birdən, necə çıxır anidən misra dildən

Dəyişəcək anidən insan, birdən, necə batır əlimizə mismar birdən

Dəyişəcək anidən imkan, birdən, necə Epiyə gəlir ilham birdən

Öldürə bildin içimdəki uşağı, fərqlənmirsən İsraildən

Mən güvənirəm bəxtimə, mənə "ayrılaq" sözünü gəl demə

Sən şərik ol dərdimə, mən səni yenə salaram qəlbimə

Mən güvənirəm bəxtimə, mənə "ayrılaq" sözünü gəl demə

Sən şərik ol dərdimə, mən səni yenə salaram qəlbimə